مزراوي وبايرن ميونخ دارو حد للإشاعات.. النجم المغربي رجع يشارك فالتداريب الجماعية وكيوجد لصاحبو زياش

دارو بايرن ميونخ الألماني والدولي المغربي نصير مزواري حد للإشاعات، بالرجوع ديال النجم المغربي اليوم الاثنين للتداريب الجماعية للفريق استعدادا لمواجهة كلطة سراي فالشومبيونزليك الفريق التركي اللي كيلعب معه المغربي الاخر حكيم زياش اللي هو صاحبو وعشيرو.
وشارك نصير مزراوي فالتداريب ديال بايرن ميونخ صباح اليوم الاثنين، بشكل عادي مع صحابو اللاعبين فالفريق الألماني تحت قيادة المدرب توماس توخيل فأجواء حماسية، وهي أول حصة كيتدربها مزواري مع الكروب بعدما رجع من المنتخب المغربي حيث كان موعت وملي رجع وهو كيتدرب بوحدو.
رجوع نصير مزراوي للتداريب الجماعية ديال بايرن ميونخ الألماني غيدير حد للإشاعات، اللي كانت كتروج حول أن الفريق بعد اللاعب من التداريب بسبب الموقف ديالو من الصراع الفلسطيني الإسرائيلي، مع العلم أن بايرن ميونيخ خرجو بلاغ قبل يومين أكدو فيه بقاء مزراوي مع الفريق.