رئيس الكاف: كنفتخر بالمغرب والدور القيادي ديالو فبناء إفريقيا

نوه باتريس موتسيبي رئيس الاتحاد الإفريقي لكرة القدم من جديد بالنيفو ديال المنتخب المغربي فمونديال قطر 2022 بالوصول الدومي فينال، وأن هذا الإنجاز غيخلي الكورة الأفريقية تطمح للأحسن وتوصل للفينال فالمستقبل وعلاش لا تربح اللقب.
وتحدث رئيس الكاف خلال المؤتمر ديال السوبر ليك فتانزاتيا، وقال: "من أحسن الحوايج باش نعرفو بالكورة فلافريك هي نتألقو فالمسابقات الكبيرة، داكشي علاش ديما كنقول ونعاود راني فخور بالمغرب بداكشي اللي دار فقط، والتاريخ اللي كتب ووصلنا الدومي فينال".
وكمل: "حنا الافارقة وصلنا الدومي فينال ودرنا داكشي اللي ما قدناش عليه والمرة الجاية خاصنا نكونو فالفينال، وحنا عندنا امكانيات كبيرة وكنفتخر بلافريك وبالدول فيه بحال المغرب خصوصا، والدور القيادي ديالو، وخاصنا نكملو خدمتنا ونبنيو القارة ديالنا".