الهبطي: أنا لاعب رجاوي وديت واحد من عائلتي لدونور فالفينال بين الوداد والأهلي غير كذبو عليا

خرج زكرياء الهبطي لاعب الرجاء الرياضي يدافع على راسو بعدما تروج له واحد الفيديو كيبان فيه أنه جا لستاد دونور البارح الأحد، باش يتفرج فالفينال ديال عصبة أبطال إفريقيا بين الوداد الرياضي والأهلي المصري، وكيقولو فيه شي وحدين "الهبطي لاعب الوداد"، وهذا الشي سلط عليه غضب الجماهير الرجاوية.
ونشر زكرياء الهبطي سطوري فأنستغرام ديالو كيكذب فيه داكشي اللي راج وبدا كيوضح من خلالو شنو وقع، وعلاش مشى لدونور فالفينال بين الوداد الرياضي والأهلي وقال: "کتوضیح للقطة المنتشرة على مواقع التواصل الاجتماعي والتي أقل فيها أحد أفراد عائلتي لمركب محمد الخامس كأي شخص طبيعي".
وكمل زكرياء الهبطي وقال: "أؤكد للجميع أنني كلاعب له عقد مع نادي الرجاء الرياضي أولاً وكمحب للفريق ثانياً لا يمكنني الحضور لمقابلات أي فريق آخر بالبطولة الوطنية وما يتم تداوله بحضوري للمقابلة هو خبر عار عن الصحة، ديما رجا".