بانون: كنشكر الجمهور المغربي.. كنا باغين نمشيو للفينال ونربحو كأس العالم

عبر بدر بانون لعاب المنتخب الوطني المغربي على رضاه بمشوار المنتخب الوطني المغربي فكأس العالم قطر 2022، واللي وصل فيه لنصف النهائي كأول منتخب عربي وإفريقيا كيحقق هاد الانجاز قبل ما يخسر مع فرنسا بطلة العالم بنتيجة 2 لزيرو ويودع البطولة شكر الجمهور المغربي على المساندة اللي قدم ليكيب ناسيونال.
وقال بدر بانون من بعد نهاية ماتش المغرب وفرنسا: "شرفنا القميص ديال المنتخب الوطني المغربي لكل راضي على أداء اللاعبين وحنا كنفتخرو بهاد الجمهور اللي كان سند ديالنا فالبطولة"
وكمل بانون وقال: "كنا باغين نحققو انجاز تاريخي والتاهل للفينال وعلاش لا الفوز بكأس العالم، عطينا كل ما فجهدنا وهادشي اللي درنا فخر لنا وللعرب والافارقة ودابا غادي نوجدو الماتش المركز الثالث فحال النهائي حيث مباراة مهمة المنتخب الوطني المغربي".