خاص: كوكايين في كرش حوت يستنفر بوليس كازا والكمية لي تحجزات فاتت 120 كيلو وها فين توزعات

تمكنت عناصر الشرطة القضائية بكازا في الساعات الأولى من صباح اليوم الجمعة من حجز كمية من الكوكايين قدرت باكثر من 120 كيلوغرام جاية من أمريكا اللاتينية في بطن الحوت "سيبيا" وتوزعات فالبرنوصي والدروة نواحي كازا.
تفاصيل حجز هاد الكمية المهمة من الكوكايين، كترجع حسب مصادر "كود"، مللي شي موزع ديال السمك بلغ السلطات الأمنية عن وجود كمية من الكوكايين في بطن السمك بعدما اكتشفه أثناء فتح علبة ديال سيبيا كانت قادمة من أمريكا اللاتينية، بحيت قاد عناصر الشرطة القضائية إلى الأشخاص لي تقداو من عندو كمية ديال الحوت بكل من البرنوصي والدروة نواحي كازا، الأمر لي خلا عناصر الشرطة تسابق الزمن باش تجمع هاديك الكمية ديال الكوكاين .
مصدر "كود" قال بللي هاد مول الحوث كان جيبو من بارا او تغالط الكنتينير ديال الحوة بكنتينير ديال الغبرة او دبا ره التحقيقات خدامة على قدم وساق باش يعرفو البوليس قصة هاد الحوت للي وسطو الغبرة.