واش المغرب طوى صفحة الخلاف مع فرانسا وبغى يقوي علاقتو مع ميريكان؟ سيطايل سفيرة فباريس والعمراني فبلاصة جمالة

باينة ان الازمة بين الرباط وباريس غادية فطريق الحل. اخر اشارة من الرباط هو تعيين سميرة سيطايل نائبة مديرة القناة الثانية سابقا فمنصب حساس جدا وهو سفيرة المغرب بباريس.
هاد الشي تعلن عليه اليوم فالمجلس الوزاري اللي ترأسو الملك محمد السادس. هاد التعيين ما عندو علاقة بوزير الخارجية والتعاون. منصب سفير ففرانسا وحتى امريكا وبريطانيا كيكونو بعاد على بوريطة ومزيان باش ما يديرش فيهم شي فضيحة من فضايحو.
الديبلوماسية ميدان حكر للملك وهو يختار الاسماء فالسفارات المهمة بزاف.
المهم هاد التعيين كتكون صفحة من صفحات الخلاف الفرنسي المغربي قد طويت. عطاها لمغربية عندها جنسية فرنسية
تعيين اخر مهم هو تعيين يوسف العمراني فواشنطن. هاد الديبلوماسي المعروف خدا مكان سفيرة المغرب فواشنطن لالة جمالة. ما خدماتش مزيان ودابا جابو خبير فالعلاقات المغربية الامريكية وديبلوماسي كبير