واش تنادم معهم الحال حيث عرفوه اختار المغرب وكيضغطو عليه؟ مدرب إسبانيا كيدعي أن دياز باغي يلعب غير لإسبانيا

كيبان أن المسؤولين فالكورة الإسبانية ما تقبلوش الحقيقة وبقى فيهم الحال حيث عرفو أن نجم ريال مدريد إبراهيم دياز قرر يلعب للمغرب، وما بقاش باغي يلعب مع المنتخب الإسباني.
وهاد الشي عكسو تصريح مدرب المنتخب الإسباني لويس ديلافونتي، وهو تصريح تنقلاتو عدد من وسائل الإعلام من بينها موقع "afrika foot"، اللي المدرب وبشكل غريب قال فيه أن إبراهيم دياز باغي يلعب مع المنتخب الإسباني، وهذا الشي قالو فجواب على سؤال حول تغيير دياز الجنسية الرياضية ديالو من الإسبانية إلى المغربية.
للإشارة فإبراهيم دياز كان فالأول باغي يلعب مع المنتخب الإسباني، لكن مؤخرا، وحسب مصادر مطلعة ما بقاتش عندو هذه الفكرة واقتنع باللعب مع المنتخب المغربي.