إمتى الفرق المغربية حتى هما يديروها؟ واش لاعبين البطولة ما يستاهلوش؟. BMW فرقو الحديد على نجوم ريال مدريد وفرحوهم بطوموبيلات جداد

تهلات شركة BMW فلاعبين ريال مدريد الإسباني، وفرقت عليهم اليوم الثلاثاء، أخر ما كاين فموديلات الطوموبيلات ديالها.
شركة BMW السبونسور الرسمي ديال ريال مدريد عطات للمدرب كارلو أنشيلوتي وكاع لاعبين الفريق طوموبيلات هجينة فيها موطور كيخدم بالضو وموطور ديال ليصانص، والانبعاثات ديالها صفرية، وهذا الشي بمناسبة الموسم الرياضي الجديد 2023-2024.
وكانوا لاعبين ريال مدريد ناشطين وفرحانين حيث ستافدو من طوموبيلات جداد واخر ما كاين من الحديد ديال BMW، وبحال هذه الحوايج كيعكسو المستوى اللي وصل له الاحتراف فالأندية الأوروبية.