أرقام أشرف حكيمي واعرين كيخلعو

كيواصل الدولي المغربي أشرف حكيمي نجم باريس سان جيرمان الفرنسي، التألق فالتيرانات الفرنسية وحقق أرقام واعرة فالماتش ضد رين البارح الاحد، برسم الدورة 8 من بطولة فرنسا.
أشرف حكيمي حيح البارح ضد رين، وإلى جانب الهدف اللي ماركا فالماتش اللي سالا بنتيجة 3 لزيرو لمصلحة PSG، فالإحصائيات ديالو كانت واعرة بزاف، حيث لمس الكورة 115 مرة، وعطى أسيست هدف وصنع 2 فرص ديال الأهداف، وراوغ 3 المرات وهذا الشي حسب مؤشرات موقع صوفاسكور المتخصص.
وكيتعتبر أشرف حكيمي من اللاعبين المؤثرين فباريس سان جيرمان الفرنسي، بالمستوى الكبير اللي كيقدم معه سوى فالبطولة الفرنسية أو فدوري أبطال أوروبا.