لقجع: المغرب غينظم مونديال الاندية 2029

أكد فوزي لقجع رئيس الجامعة الملكية المغربية لكرة القدم أن تنظيم مونديال 2030، فالمغرب غتسبقو 3 أحداث رياضية كبيرة باش تكون بروفة له.
وتحدث فوزي لقجع رئيس الجامعة خلال المرور ديالو على "راديو مارس" صباح اليوم الخميس، وأكد أن المغرب قبل من تنظيم المونديال، غينظم وكما تم الإعلان عليه الأسبوع الماضي كأس أفريقيا 2025، اللي غتكون نسخة استثنائية، وأن الأفارقة عندهم ثقة كبيرة فالمغرب باش ينجح هذه النسخة.
فوزي لقجع كشف ايضا ان المغرب غينظم كأس أفريقيا لكرة القدم النسوية، وايضاً كاس العالم للأندية عام 2029 فنسختها الجديدة اللي فيها 32 فريق، أي قبل عام واحد فقط من كأس العالم، وهذه غتكون كلها محطات باش يختمها بالعرس العالمي مونديال 2030، اللي غينظمو مع اسبانيا والبرتغال.