صفحات فايسبوكية دارت الرعب فساكنة سطات.. مصدر من العمالة ل"گود": ما كيناش خسائر مادية هاد الشي فايك نيوز والعامل مترأس لجنة ديال المراقبة

من بعد ما ضربات الهزة الأرضية الزلزالية عدد من المناطق في المغرب، خرجو بزاف ديال الصفحات في فايسبوك في سطات كيهضرو على خسائر مادية وعلى تشققات في الحيوط فعدد من الدروبة وركبو الخلعة فساكنة سيدي الغليمي.
مصدر خاص ديال "گود" من داخل عمالة سطات أكد ان هاد الشي مصحيحش وانه فقط فايك نيوز.
ووضح المصدر ان عامل الإقليم ابراهيم ابو زيد دار لجنة للمراقبة والتتبعة ترأسها بنفسو مشات لگاع المناطق لي تكتبات في لي پاج فايسبوك ومناطق أخرى ولقاو أن الأمور عادية وطبيعية مكين تاشي حاجة.
هاد اللجنة كتنسق مباشرة مع المعهد ديال الزلازل باش تطمئن گاع المواطنين ودايرا ذيك الخلية ديالها ديال التواصل لي كتجيب ذاك الشي لحظة بلحظة