واش تعفى الكاتب العام لجامعة سطات. مصدر "گود": هاد الشي كذوب

من لبارح دايرا اخبار على ان عبد اللطيف الميراوي وزير التعليم العالي والبحث العلمي والابتكار، عفا يونس الحسايني من الكتابة العامة ديال رئاسة جامعة الحسن الأول فسطات، وكيقولو بسبب المجلس التأديبي.
مصدر "گود" من داخل وزارة التعليم العالي والبحث العلمي والابتكار فالرباط، قال بللي هاد الهضرة ما منها والو ولحد الساعة هاد الشي مصحيحش.
مصادر من جامعة الحسن الأول بسطات، قالت ان منسق ماستر هو اللي خرج هاد الخبار الملاوطة، واضاف المصدر ل"كود" ان هناك حرب على الكاتب العام من عضو فالنقابة المغربية.
حروب داخلية وصافي..