اسماعيل الصيباري: كنحلم من صغري نلعب للمغرب وفرحان بزاف حيث عيط ليا الركراكي

عبر الدولي المغربي اسماعيل الصيباري لاعب ايندهوفن الهولندي، على الفرحة ديالو حيث عيط له الناخب الوطني وليد الركراكي للمنتخب الوطني الاول، باش يلعب ضد ليبيريا. وبوركينافاسو.
وتحدث اسماعيل الصيباري فتصريح له للموقع الرسمي ديال الجامعة الملكية المغربية لكرة القدم، خلال الحصة التدريبية الاولى للمنتخب المغربي، وقال: "من صغري وانا باغي نكون مع المنتخب المغربي الاول وحنا هنا جينا باش نخدمو ونوجدو ليماتش، دابا كنديرو اول حصة تدريبية وكنشوفو الاجواء وبعدها ميكون غير الخير".
وكمل نجم المنتخب المغربي الاولمبي اللي طلع دابا للمنتخب الاول، وقال: "الاجواء زوينة داخل ليكيب ناسيونال كلشي استقبلني مزيان صحابي اللاعبين والكوتش وانا فرحان بزاف، وكنفرح ملي كيعيطو ليا المنتخب وحيث انا مغربي".