يوتيوبر معروفة فمريكان بقناتها على العائلة شدوها البوليس.. قتلات ولادها بالجوع وكانت كتربطهم وتعنفهم – فيديو

البوليس شدو اليوتوبور روبي فرانكي بعدما هرب ليها ولدها لي كانت رابطاه بالسكوتش لعند الجيران باش يطلب منهم يعاونوه.
الولد هرب من الشرجم وملي وصل عند جارهم طلب منو يعطيه الما والماكلة، ولكن هاد الجار بان ليه الولد فحالة خيبا بزاف وملوي ليه سكوتش على رجلو، ومجروح، وفالبلاصة عيط للبوليس.
الولد كانت حالتو صعيبة وداوه لصبيطار باش يتعالج، وروبي داوها البوليس للحبس لي كاين فمقاطعة واشنطن بتهمة المعاملة الخايبة لولادها، ومزال 4 من ولاد فرانكي تحت رعاية قسم خدمات الطفل والأسرة.