فيورنتينا كيزيدو يضغطو على سفيان امرابط.. حيدوه من ماتشات الفريق والتداريب حتى يمشي بحالو

قررو المسؤولين ديال فيورنتينا الايطالي، ما يكونفوكيوش سفيان أمرابط مع الفريق فالماتشات الجايين، حتى يحسم النجم المغربي فالمستقبل ديالو.
وحسب الاعلامي الايطالي فابريسيو رومانو، المتخصص فانتقالات اللاعبين والمدربين بأوروبا، واللي متبع مزيان الملف ديال سفيان أمرابط، ففيورنتينا قررو يحيدوه من لاليست د الفريق للماتشات الجايين، وحتى من التداريب حتى يتحل مشكل الانتقال ديالو إلى فريق اخر.
نفس المصدر، وضح ان سفيان امرابط مازال كيتسنا عرض من مانشستر يونايتد الانجليزي، وهو الفريق اللي باغي يسني معه من يونيو الماضي ولكن مازال ما كتاب للصفقة انها تسنا.