كوارديولا مدرب المان سيتي مريض ومشى يدير عملية فبرشلونة

دار الاسباني بيب كوارديولا مدرب مانشستر سيتي الإنجليزي، عملية جراحية حيث عندو شي حاجة ضراه فالظهر ديالو.
وكشف مانشستر سيتي ان بيب غوارديولا دار اليوم الثلاثاء، عملية روتينية بسبب مشكلة في الظهر، وحيث كيعاني من آلام شديدة في الظهر مؤخرا.
ووضح مانشستر سيتي فبلاغ له أن كواريولا سافر إلى برشلونة باسبانيا المدينة ديالو لإجراء عملية جراحية طارئة دارتها له واحد الدكتورة اسمها ميريا إيليوكا.
وأكد الفريق الانجليزي ان العملية الجراحية اللي دار المدرب الاسباني كانت ناجحة، وغيبدا يتعالج ويدخل لمرحلة التأهيل والنقاهة بمدينة برشلونة.
وحسب مانشستر سيتي فالمساعد ديال كوارديولا خوانما ليلو هو اللي غيتكلف بتدريب الفريق الأول فليماتش الجايين بينما يرجع بيب كوارديولا ، اللي من المتوقع يرجع للخدمة ديالو بعد التوقف الدولية الجاي ديال الفيفا.