كوارديولا باغي يجيب أشرف حكيمي لمانشستر سيتي

كيخطط الإسباني بيب كوارديولا مدرب مانشستر سيتي الانكليزي، باش يجيب النجم المغربي أشرف حكيمي عندو للفريق ديالو من باريس سان جيرمان الفرنسي.
وحسب جريدة "MARCA" الإسبانية، باغي يقوي مانشستر سيتي وخاصو يجمع كاع القطع اللي غتعاونو فهذا الشي، ومن بين العناصر اللي باغي يقوي بهم لكروب ديالو باش ياخذ جميع الألقاب الممكنة كاين النجم المغربي أشرف حكيمي.
نفس المصدر، وضح بلي الانكليزي كايل ووكر قريب يمشي بحالو من مانشستر سيتي حيث كبر فالعمر، والبرتغالي جواو كانسيلو ما كيقنعش اللي غيمشي بحالو حيث فشل حتى فتجربة الإعارة اللي مشى فيها لبايرن ميونخ، وأن بيب كوارديولا باغي يجيب أشرف حكيمي من باريس سان جيرمان الفرنسي باش يعزز به صفوف المان سيتي بأي ثمن.
الجريدة الإسبانية، قالت كذلك بلي عقد أشرف حكيمي مع باريس سان جيرمان الفرنسي كيخليه صعيب يمشي بحالو، ولكن مع مانشستر سيتي حتى حاجة ما مستحيلة حيث الفريق سخي فالفلوس ومستعد يجبد المقابل باش يجيب اللاعب.
https://amp.marca.com/futbol/premier-league/2023/06/24/6496ae3a268e3e86718b456c.html