كثر من 3.5 مليون ديال الناس مابقاوش مليونيرات

صحيفة The Guardian البريطانية قالت أن كثر من 3.5 مليون ديال الناس خسرو وضع "مليونير الدولار" العام لي فات فأول انخفاض للثروة العالمية ملي بدات الأزمة المالية ف2008، وكان أكبر تراجع فلعدد ديال المليونيرات فالولايات المتحدة والصين.
تقرير الثروة السنوي ديال بنك UBS قال أن عدد المليونيرات فالولايات المتحدة نزل ب 1.8 مليون أو ولا 22.7 مليون، ولكن مزال لعدد ديال المليونيرات فالولايات المتحدة كبر من البلدان الأخرى والصين جات فالمرتبة الثانية ب6.2 مليون مليونير.
وخبراء الاقتصاد فبنك UBS، قالو أن الأثرياء المعتدلون والفقراء نقصات الثروة ديالهم ف 2022، والبنك السويسري قال أن الثروة العالمية تراجعات بسباب ارتفاع التضخم وانهيار بزاف ديال العملات مقابل الدولار.