ايلون ماسك حط الفريخ ديال تويتر للبيع فالمزاد

تقارير إخبارية كشفات المصير لي رسمو لملياردير لميريكاني إيلون ماسك لشعار شركة "تويتر" لقديم، بعدما قرر يبدلو وسماه سمية جديدة "إكس".
"بي بي سي" قالت أن ماسك، دار شعار "الطائر المغرد"، لي تشهر بيه فلعالم للبيع فلمزاد، ودار بزاف ديال تصاور حتا هما للبيع، ومن بينهم تصويرة سيلفي للمذيعة الميريكانية إيلين ديجينيرز مع مشاهير هوليوود.
ماسك قال أن هاد تصويرة دارت كثر من مليون ريتويت فساعة، وصورة باراك أوباما حتا هيا من مورا لفوز ديالو بولاية تانية ف2012.