اديلايد فال زوين للمغربيات بيها رجعو للمونديال وتوقع حضور الف مغربي لتشجيع اللبؤات

المنتخب المغربي للعيالات لاعب اليوم ماتش تاريخي ديال ثمن نهاية كأس العالم استراليا نيوزلندا بملعب كوبر بمدينة اديلايد بالجنوب الغربي لاستراليا ضد منتخب فرنسا.
المنتخب المغربي لكرة القدم للعيالات رجع لهاد المدينة وغادي يكون هادا هو الماتش الثاني ديالو بعد ماتش كان لعبو ضد كوريا الجنوبية فدور المجموعات.
هاد الماتش كان اهم ماتش للمغربيات فهاد المونديال. جا بعد الهزيمة لكبيرة للبؤات ضد المانيا ب6 لزيرو. بيه رجعو اللعابات لهاد التظاهرة لكبيرة. بيه جاب اول 3 نقاط.
لمدينة الزوينة والهادئة فيها جمهور كيخرج يتفرج٬ بحال جمهور باقي المدن الاسترالية٬ بالنزاهة. كيجيو عائلات باطفال من الجنسين.
تيران صغير فيه غير 12 الف بلاصة خارج شوية على لمدينة.
وفق مصادر "كود" فمن المتوقع يحضر اليوم الف مغربي من 10 الاف عايشين فاستراليا ونيوزلندا والجزر المجاورة. هاد الالف تعطات للمنتخب المغربي. فماتش كوريا الجنوبية كان عدد لمغاربة اقل من 300 دابا هادا ماتش مهم وجايينو مغاربة من مدن اخرى خاصة سيدني وميلبورن وشي مغاربة قلال عايشين فهاد المدينة