اللبؤات: المورال ديالنا طالع.. نسينا ماتش كولومبيا ومركزين على فرنسا باش نفرحو المغاربة

أكدت لاعبات المنتخب المغربي للسيدات أن المورال طالع عندهم وسط التداريب استعدادا للماتش الجاي أمام فرنسا، برسم ثمن نهائي مونديال العيالات 2023، وراهم بداو فالتركيز على هاد الماتش لتحقيق الرباح والتأهل إلى الربع.
وتحدثت لاعبة المنتخب المغربي اعروعيسى إيناس، على هامش الحصة التدريبية د ليكيب ناسيونال اليوم السبت، وقالت فتصريح لموقع الجامعة الملكية المغربية لكرة القدم: "دابا الماتش ديال كولومبيا داز، وحنا مركزين على الماتش الجاي وكنوجدو له وحنا موتيفيات وكنشكر كاع المغاربة اللي مدعمينا وواقفين مورانا، وديما مغرب".
فاطمة تكناوت حتى هي قالت فتصريح لها: "الاستعدادات غادية مزيان، حنا فرحانين بزاف بالرباح الأخير اللي حققنا على كولومبيا، دابا عندنا ماتش الثلاثاء الجاي ضد فرنسا وكنتمناو نتوفقو فيه ونفرحو جميع الشعب المغربي، وديما مغرب".