حافيظي قلبها من الكرة لإشهار بعدما سالاو معه الرجاء ولا عارض أزياء فموروكو مول (تصاور)

دبر عبد الإله الحافيظي على حرفة جديدة بعد نهاية العقد ديالو مع الرجاء الرياضي، وقرر يقلبها إشهار على "أنستغرام".
عبد الإله حافيظي اللي رفضو المسؤولين ديال الرجاء الرياضي يجددوا معه بعد نهاية العقد ديالو ملي سالا الموسم الماضي، بدا كيحط صور وفيديوهات فأنستغرام، وهو لابس شي حوايج د شي ماركة كتباع فموروكو مول بكازا، فخطوة جريئة منو، حيث مازال الكوايرية فالبطولة المغربية ما وصلوش لهاد النيفو، ديال أنهم يديرو عروض أزياء لشي ماركات لحوايج ويدخلو منها الصرف.
وكيتعتبر عبد الإله حافيظي من اللاعبين اللي غضب عليهم جمهور الرجاء الرياضي، بسبب تراجع مستواه وهو من العناصر اللي نزلها المكتب المديري للنادي برئاسة بودريقة لسيبوار قبل نهاية الموسم بسبب عدم الانضباط، وقرر عدم التجديد معه ملي سالا الموسم.