بدا المنتخب الفرنسي الاستعدادات لمواجهة المنتخب الوطني المغربي فربع نهائي كاس العالم للعيالات 2023، وهو الماتش اللي غيتلعب بين المنتخبين الثلاثاء الجاي. وبعدما استفد من يوم عطلة للراحة البارح الخميس اللي وصل فيه لمدينة أديلايد الاسترالية فين غيتلعب ماتش الربع أمام المغرب، وبدا المنتخب الفرنسي بقيادة المدرب هيرفي رونار اليوم الجمعة التداريب ديالو. وتجرات تداريب فرنسا وسط أجواء حماسية وعرفت الحصة التدريبية مشاركة جميع اللاعبات الفرنسيات، اللي بداو يكركزو على الماتش المرتقب أمام المنتخب المغربي، وكانت المعنويات ديال الدجاجات الفرنسيات طالعة. وتأهل المنتخب الفرنسي إلى ربع نهائي كاس العالم للسيدات بعدما تصدر الكروب F، برصيد 7 النقاط من تعادل مع جميكا ورباح على البرازيل ورباح على بنما، وغيلعب مع المنتخب المغربي فربع النهائي اللي تأهل كثاني المجموعة 6.
