استنجد غريق بغريق.. البوليساريو مشات لعند ليسوتو تطلب الدعم ديالها

Elouali.zaz.1987@gmail.com
أجرى مسؤول خارجية جبهة البوليساريو، محمد سيداتي، اليوم الثلاثاء، محادثات منفصلة مع كل من رئيس الحكومة ديال الليسوتو، سام ما تكاني، ووزير خارجية الليسوتو امبوتجوان لوجون، فسياق زيارة كيديرها لليسوتو.
مسؤول خارجية جبهة البوليساريو، تلاقى رئيس الحكومة ديال الليسوتو ووزير خارجيتو بشكل منفصل، وتبادلو وجهات النظر حول نزاع الصحرا وطلب منهم دعم جبهة البوليساريو على مستوى الاتحاد الأفريقي لي كتلعب فيه دور المتفرج بسباب خضوعها لجنوب أفريقيا.
بدورو رئيس حكومة الليسوتو من جهة ووزير الخارجية من جهة أخرى، صدقو راسهم وأعربوا عن دعمهم لجبهة البوليساريو ودفاعهم عنها فمنظمة الاتحاد الأفريقي وفهياكل الأمم المتحدة، واستعدادهم لتعزيز علاقاتهم.
هاد الزيارة كتجي فوقت حساس جدا للبوليساريو، فوقت ولات الاعترافات بمغربية الصحرا كتزاد وآخرها الاعتراف الإسرائيلي من بعد الأمريكي والدعم الإسباني والهولندي والألماني لمبادرة الحكم الذاتي، وبسباب هاد الهزائم الدبلوماسية كتحاول ما أمكن تقلب على أي تخريجة باش تصدرها للرأي العام فمخيمات تندوف وتروجها على أنها انتصارات.
البوليساريو والليسوتو ابسط مثال كينطابق عليهم هو استنجد غريق بغريق.