وصلو صهد الاعتراف الإسرائيلي... زعيم البوليساريو رسل رسالة لگوتيريش عامرة كذوب على وضعية حقوق الإنسان فالصحرا

Elouali.zaz.1987@gmail.com
بعث زعيم جبهة البوليساريو، ابراهيم غالي، اليوم الثلاثاء، برسالة للأمين العام للأمم المتحدة، أنطونيو گوتيريش، كيتشكى فيها من وضعية حقوق الإنسان فالصحرا.
رسالة زعيم البوليساريو كانت عامرة مغالطات وكتشوف وضعية حقوق الإنسان انطلاقا من زاوية سوداوية، وحتى المعطيات لي فيها عبارة عن تدليس الغرض منو لفت الانتباه وشوية ديال الشو الإعلامي، خاصة على ضوء الاعتراف الإسرائيلي بمغربية الصحراء وإمكانية افتتاح قنصلية إسرائيلية فالداخلة مستقبلا.
المعطيات لي ذكر زعيم جبهة البوليساريو فالرسالة مبنية على الترويج الكاذب لمعطيات زائفة فإطار رد الفِعل وصافي والمحاولات الرامية لتصوير ناس الصحرا على أنهم عايشين فحبس، وهادشي بطبيعة الحال كيكذبوه الوفود الأجنبية لي كتجي للعيون والداخلة لي كتعاين حالة وضعية حقوق الإنسان وكتوقف عليها وتشيد بالتقدم الملموس لي حققو المغرب فهاد المجال.
زعيم البوليساريو فذات الرسالة حاول يربط بين الحرب الوهمية وحقوق الإنسان فالصحرا باش يعطي للأمين العام للأمم المتحدة، أنطونيو گوتيريش تصور خاطئ ويروج لعدم الاستقرار، وهادشي طبعا كيكذبو الواقع ديال الأقاليم الجنوبية للمملكة واستمرار المغرب في تنميتها وترقية وضعها السوسيو اقتصادي والحقوقي والثقافي والرياضي والطبي والتعليمي وفمجالات البنية التحتية وغيرها.