موقع "ياهو": بزاف ديال الدراسات بينات ان الروج مع العشا مزيان للصحة كيعاون على نقص الوزن وكيحافظ على بياض السنان

كشف موقع" yahoo " في مقال مطول له على الفوائد الصحية للروج الاحمر خصوصا مور وجبة العشاء.
واضاف الموقع أن الروج الحمر عندو بزاف دالفوائد بناء على بزاف ديال الدراسات منها دراسة تدارت على ناس عندهم مرض السكري تنشرات فأكتوبر 2015 فيمجلة "Annals of Internal Medicine"، اللي كتقول ان الروج كيعاون على خفض مستويات السكر فالدم بالنسبة للناس اللي مصابين بداء السكري من النوع 2.
وأشار الموقع ايضا أن الروج كيقدر يعاون على نقص الوزن بحسب دراسة تدارت فمارس 2010 كتبين ان الروج معندوش علاقة بزيادة الوزن كيفما مكيتقال وانما العكس الى تخاد بإعتدال.
وحسب الموقع لقاو باحثين انه كاينة علاقة بين شرب الروج وانخفاض خطر الإصابة بسرطان البروستاتا بالنسبة للرجال الى خداو غير شوية منو، بحيث نظر الباحثون فنتائج 611169 مريض ولقاو ان كمية معتدلة من الروج كتحمي الإصابة بسرطان البروستاتا.
بالإضافة أن الروج كيقوي كيقوي المناعة وكيمنع نزلات البرد، وحسب دراسة تنشرات فماي 2002 فالمجلة الأمريكية لعلم الأوبئة ، لقاو الأطباء أن الروج كيعاون فتطوير مناعة ضد 200 فيروس منها اللي كتتسبب فالرواح ولاݣريپ.
وحسب دراسة تنشرات فمارس 2012 فمجلة "Psychiatry Investigation", لقاو الباحثين أن الروج يقدر يعاون على تجنب الزهايمر. وكاينة دراسة أخرى كتبين ان الروج مزيان حتى للسنان لانه فيه خصائص مضادة للبكتيريا كتحافظ على السنان بيضين نقيين ومافيهومش سوسة.
https://www.yahoo.com/lifestyle/science-says-wine-dinner-heres-101129666.html