الرجاء واجدين لماتش بلوزداد الجزائري وداخلين يدافعو على اللقب ديالهم تحت شعار "اللي جات مرحبا بها"

سالا الرجاء الرياضي الاستعدادات ديالو لمواجهة فريق شباب بلوزداد الجزائري غدا الجمعة بمدينة أبها السعودية، برسم الجولة الأولى من كاس الملك سلمان (البطولة العربية).
ودار الرجاء الرياضي الحصة التدريبية الأخيرة قبل الماتش، هذه العشية بنفس التوقيت اللي غتلعب فيه المباراة غدا، وخدم المدرب جوزيف زينباو مع لاعبين الخضرا ودارو آخر الروتوش وكانت الأجواء زوينة والمورال طالع وسط الكروب، واخا كاينة الحرارة.
الرجاء الرياضي بطل كاس العرب، غيبدا غدا الجمعة حملة الدفاع على اللقب اللي ربح فآخر نسخة، ملي غيلعب غدا مع شباب بلوزداد الجزائري، مع العلم أن الخضرا خلال هذه النسخة داخلة تحت شعار "اللي جات مرحبا بها"، حيث الفريق كيدوز من إكراهات كثيرة، والهدف ديالو هو يربح البطولة الاحترافية وكأس العرش الموسم الجاي.