كان غادي يمشي فيها.. شاب الثقبات ليه الرئة بلغوات مع فرقتو الموسيقية المفضلة

شاب شينوي عندو 19 عام وقع ليه ثقب فرئة ديالو بسبب لغوات اللي دار حيت عجباتو الفرقة الموسيقية المفضلة عندو. هاد الشاب وقع ليه "استرواح الصدر"، حيت داز ليه لهوا لبلاصة لي كينا بين الرئة وجدار الصدر.
الأعراض ديال استرواح الصدر لي وقعات للشاب شينوي هي ألم فصدر وضيق فتنفس، وفبعض الحالات مرض كيهدد الحياة، فهاد الحالة خاص ضروري ندخلو أنبوب صدري بين الضلوع باش يتفرغ الهواء الزائد.
وسائل إعلام صينية قالت أن الشاب كان كيغوت بحماس، وعلى غفلة حس بضيق فتنفس وألم فصدر وغيب، ديك الساعة داوه لسبيطار وقاليهم طبيب أنه وقع ليه تمزق فرئة وقدرو يحيدو لهوا لي زايد وخفو على الرئة المنهارة.