خطاب داعشي.. نائب رئيس مقاطعة طنجة كيهدد مستشاري الأحرار: والله تا نذبح دينديماكم واحد واحد.. نتوما زبولات ورباعة ديال "الحمير" – فيديو

روينة ناضت فانتخاب رئاسة مقاطعة طنجة المدينة، بحيث دابزو انصار مرشح الحركة الشعبية وانصار التحالف الثلاثي (الاحرار، البام، الاستقلال)، هادشي الروينة تسببت في انسحاب مستشاري حزب الأحرار من عملية انتخاب رئيس المقاطعة.
واحد المستشار محسوب على مرشح الحركة الشعبية كيسب بالكلام الدنيء. وصل الأمر الى انه يوصف خصومه السياسيين بالحمير، وقاليهم :"نتوما زبولات ورباعة الحمير".
هاد المستشار الغبي بدا كيغوت ويعربط ويهدد. غير باش صاحبو اللي فالحركة الشعبية يكون رئيس..
وحسب مصدر حزبي، فإن "المستشار قال فالأول ديال الفيديو، بأنه غادي يذبح المستشارين اللي مشاو مع الأحرار واحد واحد"، هذا داعشي وصافي.
الغريب هاد الكلام جا من نائب لمحمد الشرقاوي رئيس مقاطعة طنجة المدينة الذي تم تنصيبه اليوم.
هادشي تقال قدام اعين السلطة لذلك خاص يتفتح تحقيق فالموضوع، يقول قيادي فالتحالف الثلاثي بطنجة.