دعاه وغا يبدا من الزيرو.. الشيف بوراك ساط ليه باه فكاع المطاعم

وسائل إعلام تركية قالت أن الشيف بوراك التركي الشهير، كان خاصو يبيع طوموبيلات ديالو لفاخرة باش يدير افتتاح لمطعم الجديد و "الوحيد" بإسطنبول، بعدما خسر ݣاع لمطاعم ديالو بسبب مشاكل مع الأب ديالو كتعلق بحقوق الملكية.
بوراك أوزدمير المعروف عالمياً ب "CZN" قال أنه غادي يدعي لأب ديالو حيت باع ليه ݣاع لممتلكات ديالو وبلا خبارو وخلاه كالس على ضس، ولمشكيلا بيناتهم بدات ملي وقع زلزال فبراير وبوراك كان كيقدم مساعدات كبيرة لمناطق الزلزال ولكن باه مكانش كيخليه وهادشي خلا الأمور تأزمات بيناتهم.
ملي بوراك ساق لخبار أن باه باع ليه ݣاع لمطاعم لي كينا فإسطنبول، طلع ليه دم ومشا رفع عليه دعوى، وأول جلسة غادي تكون فسبتمبر، وغادي يبدا لمشروع ديالو وهو بعيد على باه وباع طوموبيلات واعرة باش يقدر يبدا من جديد لي بقا ليه ولي غادي يكون فوادي اسطنبول.