الرجاء خلاو سفيان بنجديدة على راحتو

قرر الرجاء الرياضي برئاسة محمد بودريقة، يخلي المهاجم الشاب سفيان بنجديدة يمشي يحترف بعدما تشبث بالرحيل منذ مدة.
الرجاء الرياضي قرروا الانفتاح على عرض من ستاندار لييج البلجيكي لسفيان بنجديدة، والامور غاديا نحو الاتفاق بين الطرفين باش اللاعب الشاب ينتقل من الخضرا إلى الفريق البلجيكي.
وراه غاب سفيان بنجديدة على لائحة الرجاء الرياضي اللي سافرت إلى قطر لمواجهة السد القطري وديا، والتوجه إلى السعودية لخوض كاس العرب، تمهيدا لتوقيع الصفقة.
للاشارة، فسفيان بنجديدة من الصيف الماضي فاش كان عزيز البدراوي هو الرئيس د الرجاء الرياضي، وهو باغي يمشي يحترف خارج المغرب حيث عندو عروض، وبزاف د المتتبعين كيشوفو ان التأخر ديالو فالخروج من الخضرا تسبب فتراجع مستواه الموسم الماضي.