شد ليا نقطع لك بين PSG ومبابي ماغتساليش والفريق الفرنسي عطى للنجم ديالو مهلة جديدة

قرر باريس سان جيرمان الفرنسي يعطي مهلة جديدة للنجم كيليان مبابي، باش يفكر فالمستقبل ديالو مع الفريق.
وكشفت شبكة "RMC" الفرنسية غير دابا شوية، أن باريس سان جيرمان الفرنسي برئاسة القطري ناصر الخليفي قرر يزيد مدد مهلة التفكير بالنسبة لكيليان مبابي من 21 يوليوز إلى 31 من نفس الشهر، باش يحسم المستقبل ديالو إما يجدد مع باريس سان جيرمان الفرنسي، أو أن الأخير يبيع العقد ديالو خلال هذا الصيف.
ورافض باريس سان جيرمان الفرنسي فكرة أن كيليان مبابي يبقى معه الموسم المقبل ويمشي فابرو، حيث العقد ديالو معه غيسالي صيف 2024، والفريق الفرنسي باغي مبابي يسني معه عقد جديد حتى 2025، باش يضمن أن اللاعب ما يمشيش فابور لريال مدريد الصيف الجاي، خيرو ما بين يجدد معه أو أنه يبيع العقد ديالو هذا الصيف لأي فريق يعطي مبلغ كبر.