مؤيد اللافي: أنا والوداد سالينا

سالات العلاقة بين الدولي الليبي مؤيد اللافي والوداد الرياضي، بعد ثلاث مواسم دوز منها عام ونصف تقريبا مزيان، وعام ونصف موعت وبعيد على الرسمية.
وقرر مؤيد اللافي يدير حد للتجربة ديالو مع الوداد الرياضي، وهذا الشي اللي صرح به غير دابا على انستغرام ديالو وقال: "اليوم انتهاء عقدي مع الوداد الرياضي، بعد ثلاث سنوات مع هذا النادي الكبير، حققت فيها 3 ألقاب، دوري ابطال افريقيا ولقبين للبطولة المغربية".
وشكر مؤيد اللافي الوداد والجماهير ديالو وقال: "أنا فخور باش نكون جزء من تاريخ هذا النادي الكبير، وكنشكر الجماهير الودادية على الحب والاحترام".
للاشارة فالوداد الرياضي برئاسة سعيد الناصيري قدم الدعم الكبير لمؤيد اللافي ملي توعت حتى برا، ورفض سعيد الناصيري يتخلى عليه واخا مستواه تراجع بزاف، وبقى ميقدم له الدعم حتى وقف على رجليه.