حكومة جزر الكناري كدافع على العائلات الكنارية لي عايشة من الصيد البحري وطلبات إجتماع مع بلاناس يوضح شنو بعد توقف اتفاق الصيد البحري

Elouali.zaz.1987@gmail.com
طلبات حكومة جزر الكناري، اليوم الإثنين، إجتماع عاجل مع وزير الفلاحة والثروة السمكية والأغذية، لويس بلاناس، بعدما سالات إتفاقية الصيد البحري بين المغرب و الإتحاد الأوروبي، حتى يبان حكم القضائي ديال محكمة العدل الأوروبية حول الإتفاقية نهاية هاد العام أو بداية العام الجاي.
وقال رئيس حكومة كناريا فرناندو كلافيخو، اليوم الإثنين، أنه طلب اجتماع مع وزير الفلاحة والثروة السمكية والأغذية، لويس بلاناس، باش يعرف كيفاش غادي تعامل مع هاد الوضع الجديد.
وأضاف فرناندو كلافيخو، أن حكومة جزر الكناري غادي تطلب تكون حاضرة فالإجتماعات لي غادي تنعاقد بخصوص الاتفاقية، لان توقف هاد الإتفاقية يعد خسارة اقتصادية كبير للأسر الكنارية اللي كتعيش من نشاط الصيد البحري، ولي تسبب فيه كسل وقلة المشاركة والإجتهاد ديال الحكومة الإسبانية الحالية بقيادة بيدرو سانشيث.