كيتعرضو للتنمر وكيحسو بالذنب.. الجابونيين كيتوجهو لشركات تعاونهم باش يقدمو الاستقالة من الخدمة

نتاشرات فجابون خدمة جديدة سميتها "مستشارو الاستقالة" أو وكالات التقاعد، لي كتعاون الناس لي كيبغيو يقدمو الاستقالة ديالهم من الخدمة وكيحسو بذنب، وبعض المرات كيتعرضو للتنمر من الرؤساء ديالهم.
بزاف ديال الناس فجابون كانو كيعانيو من مشكل الإحساس بالذنب فاش كيبغيو يقدمو الاستقالة ديالهم، وماكيقدروش يقولوها للرئيس ديالهم فالخدمة، ولكن ملي وللاو مستشارين خاصين ب الاستقالة هدشي مبقاش.
هاد المستشارين كيعاونو ناس باش يقدمو الإستقالة ديالهم بأقل قدر من الصعوبة وكيوريوهم كيفاش يتعاملو مع الرؤساء اللي كيرفضو يعطيو الاستقالة، أو لا ماكيلتزموش بدكشي لي واعدو بيه من حيث الأجور أو ظروف العمل.