البوليس شدو مدرب باريس سان جيرمان

شدو البوليس ديال فرنسا اليوم الجمعة مدرب باريس سان جيرمان الفرنسي كريستوف كالتيي، بسبب قضية ديال التمييز.
وحسب وكالة الأنباء الفرنسية، نقلا عن المدعي العام الفرنسي، تم وضع المدرب كريستوف كالتيي فالحجز عند البوليس بمدينة نيس صباح اليوم، هو والابن ديالو وهذا الشي داخل ضمن واحد التحقيق مفتوح مع المدرب المذكور بخصوص الاشتباه فيه بلي قال تصريحات عنصرية ملي كان مدرب ديال نادي نيس موسم 2021- 2022.
للاشارة فالمدرب كريستوف كالتيي، صبح فطريقو باش يمشي من باريس سان جيرمان الفرنسي خلال الأيام المقبلة، حيث الفريق الفرنسي باغي يسني مع مدرب جديد وغالبا غيكون الاسباني لويس إنريكي.