مدرب الوداد: الضغط دابا على ليفار حنا غنوجدو باش نمشيو نربحو الماص ومازال عندنا أمل فالبطولة

عبر البلجيكي زفين فاندنبروك مدرب الوداد الرياضي على الفرحة ديالو بالفوز للي حقق الفريق على شباب السوالم الثلاثاء بستاد دونور، واللي خلاه يقلص الفارق مع المتصدر الجيش الملكي إلى نقطة قبل دورة واحدة من نهاية المسابقة.
وتحدث زفين فاندنبروك فتصريح له بعدما ربح الوداد شباب السوالم بنتيجة 3 لواحد ورفع الرصيد ديالو إلى 63 نقطة وقال: "تحكمنا فالماتش وخلقنا فرص قدرنا نربحو وما عانيناش قدام شباب السوالم فالمباراة".
وبخصوص الدورة الأخيرة والصراع مع الجيش الملكي على لقب البطولة قال مدرب الوداد: "الضغط على ليفار حيث هم الأولين وخاصهم يربحو، اللي علينا حنا هو نريكيبيرو ونوجدو ريوسنا للماتش ضد المغرب الفاسي بفاس حيث غنمشيو باش نربحو ونتسناو زهرنا وكلشي ممكن باش نتوجو بالبطولة".