جمهور الوداد خالق أجواء زوينة فدونور.. غير طلعو اللاعبين بداو كبشجعو فيهم وكيحفزوهم يربحو آسفي

عبرت جماهير الوداد الرياضي على مساندتها للفريق باش يخرج من المرحلة الصعيبة اللي كيدوز منها، وهذا الشي قبل ماتش اولمبيك آسفي اليوم السبت برسم منافسات البطولة الاحترافية.
وغير طلع لاعبين الوداد الرياضي إلى ستاد دونور باش يديرو التسخينات وهي تستقبلهم الجماهير بالتحية والتصفقيات، وكتغوت: "كيفما كان الحال غنبقاو فيدال".
جماهير الوداد الرياضي بدات كتعيط على كل لعاب بالاسم ديالو كتشجعو، باش الفريق يتقاتل على لقب البطولة الاحترافية، والبداية بتحقيق الرباح فماتش اليوم وهذه الجيست من المشجعين الوداديين تفاعلو معه اللاعبين وحتى هما بداو كيصفقو على الجمهور.