سعيد الناصيري واقف على شغلو قبل فينال الوداد والأهلي وحضر الحصة التدريبية الأخيرة وشجع اللاعبين

حضر سعيد الناصيري رئيس الوداد الرياضي الحصة تدريبية الأخير للفريق قبل ماتش ذهاب فينال عصبة أبطال إفريقيا أمام الأهلي المصري، واللي غيتلعب غدا الأحد فتيران القاهرة الدولي.
وكان حاضر سعيد الناصيري براسو فالحصة التدريبية الأخيرة قبل مواجهة الأهلي المصري فالفينال ديال عصبة، باش يشوف التيران اللي غيتلعب فيه الماتش كيف داير ويوقف على كل صغيرة وكبيرة، ويشوف اللاعبين واش خاصهم شيحاجة.
اللاعبين ديال الوداد الرياضي كانوا فرحانين بتواجد سعيد الناصيري معهم خلال الحصة التدريبية الأخيرة قبل ذهاب فينال عصبة أبطال إفريقيا، وعجبهم الحال وكانوا موتيفين، وكيبانو مركزين مزيان باش يرجعو بنتجية إيجابية إلى المغرب.