ثلاثة ديال الباطويات مغربية حصلو فسواحل اسبانيا كيصيدو بشبابيك عائمة اللي مانعها المجتمع الدولي

كشف موقع "la Vos de Almeria" ان حرس السواحل فإسبانيا حصلو ثلاثة ديال الباطويات مغربية كتصيد فالمياه الاسبانية بشبابيك عائمة.
وأضاف أن صيادين مقاطعة كاربوبيسكا دي كاربونيراس معجبهم هاد التصرف واشادو بتدخل حرس السواحل، وخداو الباطويات المغربية لميناء سبتة والاسبوع الفايت خداوهم لسواحل المرية.
وأشار ايضا ان الصيادة قررو فتجمع داروه باش مايحجزوش الباطويات المغاربية ولكن غيبقاو مستمرين فالتنديد بالممارسة غير القانونية للصيد بالشباك العائمة.
وأضاف الموقع الاسباني ان المجتمع الدولي حظر الشباك العائمة نظرا لانخفاض الانتقائية وارتفاع معدل الصيد العرضي.
وأضاف أنه ومع ذلك، باقيين هاد الممارسات فبزاف ديال دول الإتحاد ودول خارج الاتحاد الأوروبي، واللي كيتسبب فصيد وموت العديد من الأنواع البحرية ، وفكثير من الحالات الحيتانيات والسلاحف ، وايضا كيخلق منافسة غير عادلة تجاه بقية الصيادين اللي مكيستعملوش هاد معدات الصيد.