عمال موسميين مغاربة ف فرنسا تدارت بيهم والنصابة داو ليهم مابين 8 و12 ألف يورو مقابل فرص عمل وهمية

قالت صحيفة "لا ديبيش دو ميدي"، أن محكمة جنايات تولوز حددت، شهر غشت الجاي، موعد لبداية محاكمة عصابة ديال النصب داو لعمال موسميين مغاربة مبالغ مالية كبيرة كتراوح مابين 8 و12 ألف يورو مقابل فرص عمل وهمية.
وأضافت التقارير ذاتها، أن قاضي التحقيق تابع المتهمين اللي البعض منهم من أصول مغربية بتهمة ممارسة الاحتيال المنظم وتسهيل الإقامة بشكل غير قانوني للعديد من العمال المغاربة، اللي تم استقدامهم من المغرب ولقاو راسهم خدامين بصاليرات قليلة وف فرص عمل ما عندها علاقة بالهضرة اللي تقالت ليهم. وبعد تقديم المتهمين إلى النيابة، تم وضعهم تحت المراقبة القضائية، مع حظر إدارة الأعمال التجارية..