16 الف من عاملات الفريز اللي كيجيبوهم من المغرب للصبليون ودابا محتاجين مغربيات فالشمال.. سيگوفيا باغية 700 موسمية مغربية تجني الفريز

اجتمعت لجنة تدفقات الهجرة في مدينة سيگوفيا البارح الخميس، باش تدرس توقعات الموسم الزراعي لعام 2023 وتوظيف العيالات الموسميات المغربيات في حقول الفريز في المنطقة.
وشدد نائب مندوب الحكومة الإسبانية في سيگوفيا ورئيس اللجنة، لريو مارتن، على أن الطلبات غادي تكون مرتفعة لحد كبير، مقارنة بالعام اللي فات، واضاف: "هادشي كيعكس الدعم اللي كتقدمو الشركات في القطاع لهاد نموذج الهجرة الدائري".
وأشار المدير، حسب موقع Cadena SER الاسباني، ان شركات الفريز في سيگوفيا محتاجين 669 موسمية مغربية باش يخدمو هاد العام عندهم، وقالو ان عملية الاختيار في المغرب شاركت فيها ثلاث شركات في نوفمبر اللي فات.
للاشارة، يولاندا دياز نائبة رئيس الحكومة الاسبانية ووزيرة الشغل كانت قالت باللي من الملفات اللي كيخدمو، ملف 16 الف من عاملات الفريز اللي كيجيبوهم من المغرب للصبليون باش يجنيو لفريز.
https://cadenaser.com/castillayleon/2023/04/20/varias-empresas-segovianas-de-la-fresa-solicitan-669-trabajadoras-marroquies-para-trabajar-este-ano-en-sus-campanas-radio-segovia/