نيويورك تايمز: المغرب بطل ودفاعو جاب التمام للصبليون ولرونالدو وصحابو

حسب الجريدة الأمريكية"New York Times" ، المغرب نجح مرة أخرى وقصا البرتغال وسالا مع رونالدو، وولا أول فريق إفريقي كيتأهل لنصف نهائي المونديال. وخا خطة رونالدو، البديل في الشوط الثاني، مغيرات والو.
وزادت على أن كأس العالم ديال هاد السنة استثنائي ومختلف وعامر بالصدمات، فحال السعودية مثلا، اللي سجلات على الأرجنتين فمباراة الدور الأول،و فوز المغرب على البرتغال البارح باش يبقا هو الدولة الأفريقية الوحيدة اللي وصلات للنصف النهائي.
وأضافت أن رونالدو أمام سويسرا ، شاهد بديله الشاب، غونزالو راموس، اللي ولا وريث واضح، وسجل ثلاثة أهداف، ولكن فمواجهة الدفاع المغربي، مابقا لا راموس ولا رونالدو. واللي كيبين أن المغرب فريق جديد عامر بالأبطال .
وحسب نفس المصدر، ياسين بونو كيقول على أنه عندنا عقدة النقص، وخصنا نغيرو عقليتنا ومنبقاوش نحسو بالنقص، حيث يمكن لأي لعاب مغربي مواجهة أي لعاب فالعالم.