بعد تعيين أخنوش رئيسا للحكومة.. بنكيران: انتهى الكلام لايمكنني التعليق على القرار الملكي

قال الصحافي مصطفى الفن في تدوينة له ب"فايسبوك"، اليوم الجمعة، إنه مباشرة بعد تعيين عزيز أخنوش رئيسا للحكومة اتصل بعبد الإله بنكيران، حيث علق هذا الأخير ب""أنا تحدثت عن عزيز أخنوش قبل هذا التعيين الملكي لكن الآن هناك قرار ملكي، وعندما يتحدث الملك أو يصدر قرارا فتعليقي هو انتهى الكلام".
ويذكر أن الأمين العام السابق لحزب العدالة والتنمية بنكيران هاجم في بث مباشر عبر صفحته الشخصية بمنصة "فايسبوك" رئيس الحكومة الحالي عزيز أخنوش، وذلك يومين قبل الانتخابات التشريعية، حيث عبّر عن غضبه من الصعود الذي عرفه شخص رجل الأعمال عزيز أخنوش. وإليكم جزء مما قاله عنه:"
اتصل بي أخ عزيز،... هو ماشي اسلامي كاع.. نبهني لأمور لم أكن أنتبه لها..وإذا قدر الله شيئا سيكون.. خطابي موجه لعموم المغاربة.. باعتبار أن الانتخابات معمرها ماغدي تكون شيء ثانوي، وهادشي أقوله دائما.. تعطى للمواطن مرة في ست سنوات ليختاروا الجهة التي ستتولى المسؤولية.. لذلك كل ما سيقع في الخمس سنوات، يعني أن لديكم مسؤولية اتجاهه..وما سيقع لكم، لا يمكنكم تصحيحه، إذا كان ممكن، إلا بعد خمس سنوات..
أشعر أن هناك شيء يحضر هل ستتغير المعطيات، لا أعرف، لكن هذا الذي يقع ليس في صالح المغرب كدولة.. رغم أنني كبرت في وسط متوسط كبرت في وسط الشعب، وأنا مهووس بالدولة وقوة الدولة، لأن الدولة إذا ضعافت مشا كلشي..
اذا بقيت الدولة كتصحح الاخطاء.. واذا مات النسر واش كيعيشو اولادو؟!!
كاين أمور ولات كتخلعني. هذي بضع سنوات معرفت شكون حرك الجمهور العريض ضد مؤسسة، ثم بين عشية وضحاها اصبح مطروحا علينا التصويت على صاحبها كرئيس حكومة محتوم.. هذا الشخص كنتم تقاطعونه وبين عشية وضحاها كيوجدو له العراسية ليكون رئيس الحكومة.. والله ما عارف قصة المقاطعة ولكن طبعا بغاو يلصقوها للعدالة والتنمية ولكن منجحاتش.. اش واقع في المغرب.. بالمناسبة اخنوش خمس سنوات وهو معايا في الحكومة.. كنت معه سمن على عسل، لم اكن انظر له كملاك، ولكن كنت اتجاوز.. واصطدمت معه يوم أخذوا مني هو ومحمد بوسعيد التوقيع على صندوق دعم التنمية القروية، وانا مكنتش عوال نزولها ليه..
والثانية ملي دار البلوكاج اللي هو ضربة قاضية للديمقراطية، ولكي ينجحه جاب بلطجي ديال السياسة، ومازال عندو الجرأة باش يتقدم حزب تاريخي.. مع الأسف قيادته كادت أن تضرب تاريخه في الصفر..
لكن باش يبرز كمرشح ويكون رئيس الحكومة.. الكل يعرف قصة أمهال وثروته كيف جاءت وكيفاش أصبح من أغنى أغنياء المغرب، ولا أعيب على الذين يراكمون المال..ولا أتحدث على 17 مليار درهم التي ننتظر الحكم فيها.. أنا اتكلم على هذا الشخص الذي كنت حريصا على أن يكون معي في حكومة 2011، وذكرت جهات معينة باش يجي ويدخل معايا في الحكومة، أما هو كان في باريس..
ولا أعتبر وزارة الفلاحة فاشلة، هذي 3 مرات وهو وزير الفلاحة، ولكن رئيس الحكومة ماشي هو اخنوش، وعمر أخنوش ما كان وسط حزب سياسي ولا عانى مشكل سياسي، هو في النهاية رجل أعمال،.. أنا نقول لك السي أخنوش ستجد نفسك وجها لوجه مع شعب ومع دولة، وحتى وحدة فيهم ما ساهلة..
ما عندي مشكل تكونو وزير أنت والعلمي وبنشعبون.. ولكن علاش عوال واش عوال تزمت المغاربة.. تدوخهم ممكن ولكن راه كيقراو البرا من الأخر..
نهار دارو فيك اش درتي لبستي فوقيا وكلستي في دارك.. أنا حتى أنا لبست فوقيا ودخلت سوق راسي، ولكن أنا دوزتها بسلام.. واش انت كتبيع كوفتير عائشة.. الفنانين كيمشيو مع اللي كيعطيهم الاشهار..
واش الدعم المباشر، ملي متفق عليه علاش رفضتيه ملي جيتي عندي للمكتب، شرطت عدم دخول الاستقلال للحكومة ورفضت الدعم..
كيفاش داك فوزي لقجع اللي كيوجد ميزانية الدولة، قلت له الفلوس اللي ربحنا من المقاصة فينا هي باش نوزعها على الشعب.. قال اللي بالحرف كون ماشي الخطوة اللي درت كون ماعنداش الميزانية..
أنا ممتافش تعطي للناس وتزيدهم على 5000 درهم.. أنا رأيي أن الفلوس تمشي لتوظيفات جديدة.. ويمشيو للناس إلي في وضعية سيئة.. »
واش بغيتي تدير مواجهة مع الناس، واش باغي نرجعو ل20 فبراير..
هل لديك القدرة على اصلاح صندوق المقاصة؟ واش تقدر تصلح التقاعد..دبر لراسك.. الكلام اليوم ماشي معاك.. الكلام اليوم مع المغاربة نوضو تصوتو ماتقاطعوش.. الكلام معك سابق لأوانه.. المقاطعين بغاو يديرو الثورة يتفضلو يقودها وحنا نتبعوهم..
حنا مابغينش الثورة وغادي نتصداو ليها..
هذه مسؤولية.. المغاربة اللي ماكتباعو ماكتشراو..واللي كيقولو الحكومة المحكومة الباكور الهندي.. خدو الاحتياطات شكون اللي غادي يولي رئيس حكومة.. وهذا جهدي عليكم المغاربة، وعلى كل حال الله يوفق للخير"