الله ْ عْليها كَلْمَة....

الله ْ عْليها كَلْمَة....
قال عمر بن الخطاب (ض):” لو أن بغلة عثرت بأرض العراق لخشيت أن أُسْأل عنها لِمْ لَمْ تُسَوِّ لها الطريق” .
يْرْحمَكْ الله يا ابن الخَطابْ
على كَلْمة زينة قُلتِيها
إلا عَثْرتْ بغلة فْأرض العِراق
راني قُدَّام الرَّحمان نْتحاسَبْ عليها
اللَّهْ عْليها كَلمَة ما يْسْتوعَبْها كْتابْ
شَجْرَة الإيمان من دَمَّك سْقيتِيها
شَجْرة يْفرَحْ بها كُلْ تْرابْ
وثْمارْها فْقصورك عَنْد الرَّحمان تْجنيها
الله عليها كلمة ما ليها فزمانا جواب
عمرات الخابية بالخز وتخوات على مَّاليها
كَتْباس الجَّلدة قالوا على وَجْه لكتاب
وأنا شربت المعاني ورواتني قوافيها
المعنى الجميل باين كيف الجوهر فالتراب
وما يعرف أش فالمزاود غير المضروب بيها
جلال الدين محمد بازي