نسا الهمّ ينساك 10 غشت 2011

واحد الشفار مسموم دخل لواحد الدار يسرقها و ما لقى فيها والو. ناض اتصل بأمريكا و خلى السماعة مرفوعة و مشى
--------------------------------------------
هادا واحد الاستاد كيعلم لواحد التلميد عملية ناقص، قال ليه: جوج ناقص جوج شحال تيبقى ؟
التلميد : معرفتش
الاستاد جبد ليه جوج كرواصات، وقال ليه : شحال هادو؟
التلميد :جوج كرواصات
الاستاد :هاك كول هادي، زيدك هادي، شنو بقى دابا ؟
التلميد: شي برّاد ديال اتاي بعقلو
--------------------------------------
هادا واحد التلميد قال ليه المعلم: عطيني خمسة ديال الحيوانات
قال ليه التلميد: بقرة و كلب و تلاتة ديال الحمامات
--------------------------------------------
هادا واحد الدري جرى عليه الأستاد ديال لانفورماتيك
مللي مشى عند الحارس العام، قال ليه: مالك أولدي؟
قال ليه التلميد: جرى عليا مول السيبير
-----------------------------------------------
واحد المعلم ضرب واحد الولد كيقرى عنده و قال ليه: راه غير عزيز عليا، داكشي علاش كنضربك إيلا ما درتيش التمارين
قال ليه الولد: كون غير قدرت نبادلك نفس الشعور