تحية بوغطاطية للجميع 1/20. فاش كيفرشك شي حد قدام الناس وماكتقدرش تدافع على راسك وعلى مصداقيتك، كتقلبها معاه سبان وجعير أو كتحاول تقمعو أو كتشكك فالمصداقية ديالو باش الناس ماتيقش فكلامو. وهادشي بالضبط لي قام به الصوحافي "المستقل" عليلو كيفاش هاد لبلان؟ 2/20. نهار 10 مارس 2022، علي لمرابط غيكون أول واحد كيعلن توقيف حساب زميلي وصديقي العزيز عماد لكبير الشهير ب "#دبيبينة #Dbibina" لي كان مرونها فتويتر ومطير النعاس من الرباعة ديال العدميين وأشباه المناضلين والمعارضين والصوحافيين، بسبب ما كان ينشره من حقائق مزعجة عنهم.. 3/20. ولأن عليلو وغيره ماكانوش كيقدو يواجهو الحقائق لي كان كينشرها عماد لكبير بالدلائل، وحيت كان فارشهم بالمزيان، ف ماكانش عندهم شي طريقة أخرى من غير حملة شرسة ديال السينيال باش يسدو ليه الحساب ديالو ويسكتوه بزز، حيت مصداقيتهم كان غادا فالخسران. ولكن.. 4/20. ولكن كيف تيقولو المغاربة: "لي عندو باب واحد، الله يسدو عليه". عماد لكبير قدر يقنع موقع برلمان.كوم باش يخصصو ليه عمود بسميتو باش يستمر فكتاباتو من مور محاولات كثيرة ديال فتح حساب جديد على تويتر، بحيث تبين أن لمرابط ورباعتو ماكانوش مفاكين معاه وباغيين يسكتوه بزز 5/20.استمرار #دبيبنة فكتاباتو المزعجة من خلال موقع برلمان.كوم و لي مكانوش كيقدرو يردو عليها، خلات عليلويفكر فالحل الثالث لي هضرت عليه فالبداية: وهو التشكيك فمصداقية #دبيبينة. ولكن؟؟ كيفاش كان غايدير هادشي وهو أصلا معارفش شكون هو دبيبينة. لمرابط معارفش؟؟ نتا راك حمق 6/20. تا راه لمرابط هادا وأجرك عالله. "أسطورة" صحافة الاستقصاء والصحافة "المستقلة" "المهنية". أشنو؟ قدر يعرف شكون هو دبيبنة؟ طبعااا. شكون؟ رضا زيرق. وايلي؟ وكيف دار ليها؟ جاب معلومات دقيقة من فم السبع. بحالاش؟ شي تقرير تقني فيه email أو رقم الهاتف؟ لا. وشنو؟ 7/20. وشنو؟ شي تسريبات "مخابراتية" بحال ديال كريس كولمان لي كيحماق عليها لمرابط؟ لا. عندو شي مصدر فموقع برلمان.كوم نيت هو لي قاليه شكون هو دبيبينة؟ لا. و شنو؟؟ شي دليل مادايرش بالصوت والصورة مثلا؟؟ لا. وشنو؟؟ 8/20. وشنو؟؟ لا والو، غير لمرابط بان ليه تشابه فالستيل ديال لكتابة و بلي مادام دبيبينة كيدافع على مؤسسات لبلاد ومادام رضا زيرق حتى هو عندو مواقف مشابهة وسبق نشر مقالات فموقع برلمان.كوم... إذن دبيبينة هو رضا زيرق. صافي؟؟ 9/20.لا طبعا. عليلو "العبقري" باش يملّح ويبزّر "التحقيق الصوحافي" ديالو ويخلي الرباعة لي متبعينو يتيقو الخزعبلات ديالو، قالك أسيدي راه بما أن رضا واحد النهار ف 2014 قال بلي عمر الراضي كيكذب بخصوص تلقي تهديد بالتصفية من عند شي مجهول، إذن راه رضا هو مول التهديد.. إذن رضا هو دبيبينة 10/20. أيييه اسيادنا !!! هادا هو مستوى العمل الاستقصائي "الخارق" لي دارو لمرابط... ولأنه عارف راسو غير كيخربق (كيف هي عادتو) مكانتش عندو الشجاعة نهائيا ينشر هادشي.. وقرر ياكل التومة بفم الغير ويشوف واش تصدق.. فلهذا... 11/20. فلهذا كان خاصو شي "فريفيرة" لي مايدي على كلامو حد... باش فاش يتقال بلي داكشي غير خزعبلات، تتقال على لي نشرها ماشي على لمرابط. وعليلو مالقاش شي حد حسن من "السليطيعينة" باش يمسح فيه كولشي ولكن طلع أكبر مكلخ وفرش الباطرون ديالو من الدقة اللولة هههههههه كيفاش هاد لبلان؟ 12/20. الحقيقة أن لمرابط طلع أصلا خفيف و"فريفيرة" وفضح راسو براسو... ماشي حيت كان أول واحد عاوتاني كيخرج يأكد بلي دبيبينة هو رضا زيرق (كيف كان هو الأول لي علن بلي الحساب ديال عماد لكبير فتويتر تسد). ولكن حيت خرج على وعدو وسعدو يرقع الفضيحة لي دار ليه السليطيعينة 13/20. لمكلخ ديال "السليطيعينة" مافرقش بين التدوينة ديال الراضي والمقال ديال لمرابط ف Demainonline ومحفضش الدروس ديال الأستاذ ديالو وقال فواحد التعليق بلي المنشورين بجوج كتبهم عمر الراضي من مور ما نبهاتو وحدة من الرباعة ديال العدميين و taguat عليلو باش يعتق الفضيحة دغيا 14/20. ولكن الغريييب والعجييب من هادشي كامل أن الموقع الأول و الوحيد لي هضر على هاد لبلان ولي نقل التويت ديال "السليطيعينة" فمقال بدون توقيع. كان هو موقع Maghreb Onlineديال البوليساريو. لصاحبه محمد محمود مبارك المقيم ببروكسيل 15/20. فنظركم اش دخل موقع ديال البوليساريو فموضوع بحال ديال رضا زيرق؟؟ فاش غيهمو؟ وعلاش كاع داك الاهتمام وديك السرعة باش تنشر المقال ساعة فقط من بعد التويت ديال السليطيعينة؟ وأهم سؤال شكون كتب المقال؟ علاش لي كتبو مادارش توقيعو وتحفظ يكتب سميتو؟؟ 16/20. الجواب ببساطة أن لي صايب ديك الخزعبيلة كلها وتخبا من مور الفريفيرة ديال السليطيعينة باش ينشرها فتويتر هو نفسو لي تخبى من مور موقع Moroccomail.fr ونشر مقال بدون توقيع.... ايييه أسيادنا هو نيييت... إنه عليلو 17/20. لي مكايعرفوهش بزاف د الناس أن لمرابط كيقيل يكتب فهاد الموقع لي كيقيل يضرب فالوحدة الترابية ديال المغرب... وسبحان الله سبحااان الله، هاد الموقع نفسو هو الوحيد إلى يومنا هذا لي مازال كينشر مقالات لمرابط لي كان كيكتبها ف Demainonline واخا الموقع توقف. 18/20. بيييك يا وليدي يا با علي على مستوى !!! ولكن ماعليش هانية... من غير أن الخزعبيلةديال رضا زيرق طلعات مفروشة وبان بلي نتا هو مولاها، كنشكروك حيت بينتي لينا أنك فعلا ق**د(souteneur en chef) ديال الجزائر وتلات بيك ليام كتخبع من مور موقع ديال أعداء الوطن... مع الأسف 19/20. مع الأسف المصداقية لي كيدعي لمرابط أنها هي راس مالو... ها هي اليوم مشات فالخسران وفشل أي صحافي مامقرونش أساسا بإمكانياتو فالكتابة أو التحرير وإنما بمصداقيته. يعني بصحة ما ينشره. ولي كيكذب مرة، راه ديما كيكذب. وهذا كلامك نيت عليلو 20/20. وااا فيق من الڭلبة أ بابا عليلو فيييق... راك غادي فالخسران... تحية بوغطاطية من #بوغطاط_المغربي... من حيث لا تدرون
