صديقي مات فدمنات

تفكر المعاني وضحكات الطاهر والمفردات
تهجرات لي الضحكة بهاد الحروف والكلمات
أوخرجات لي دمعتي بلا مشاورات
أوخانتني الدموع والشهقات
عارف الدنيا غدارة وغاتدينا بلا مزايدات
الجنية ديالي توترات
والدماء ديالي غلات
وقلبي مسكين ديما يتحمل الصدمات
الطاهر كان عشيري وصديقي واش دوزنا من لحطات
بعض فراقك تغيرات بعض الألوان
وشحال من حاجة كنت بغيت نقولها ليك ولكن فات الأوان
آه من ألم الفراق على الإنسان
نعيا مانصبر راسي ويرجع الكابوس كما كان
عارف الفراق صعيب والراس غايعمر بالوجاع
تجفات لي دموعي
أماتت لي أفكاري
أوتلوات لي عروقي
أطاحت لي أوراقي
أدبلات لي أزهاري
وكما قالوا ناس زماني
إلى مات صاحبك عزي راسك فراسك
وتفكر أيامك