المكتوب

هزيت لكفوف لسما نتمنى
نطلب نرغب أو نترجى
عسى الله اغير من حالنا
لما هو كيفو كيف حوال ناسنى
الدنيا طغات علينا ضحكات أغدرت بينا
عطاتنا وجه أو فصينييا وراتنا وجوهنا
غدارة ضحكاتني في صغري وهجرتو في كبري
نساتني طعم لحلاوة لساني ولف لمرارة
ديت على كلام ناسنا مافادني ماونسنا
أنا بعدا شديت رحالي لبلاد اليأس أنا قاصد
نحط الهم لتقل علييا ونهز الأمل إلى رضى بيا
رضيت بيك يالهم أنا نعيا وانت تزيد تتقال عليا
اليأس صاحبي مايفوتني مايبخل عليا
الكلمة لحنينة من الواليدة سمعتها حليت عليها عينيا
سمحي ليا ماشي الخاطري هادشي بزز علييا
عل لخدود سالو دموعها بسبابي دمعة عينيها
عينييا ، عين عمرها ماجفت أما يبس ماها
نطلب السماحة نحني الراس أخا الغلطة عليا مامحسوبة
ماشركت .... مالومت الكاتب لكتب الشقا ولعذاب علييا
فكرت أفكرت .. أحياتي فكرت فيها
هذا مكتابي ، حياتي هاذي أشعندي مانغير فيها
هوكدا بغاني الخالق لخلقني وانا غنرضى بيها
مانرضى بالحكرة أخا هي فقرة من جملة ما تكتب علييا
الدنيا عمرها مابكات باش تعرف بحق الدمعة لدمعة عينييا
أنا مانسمح ليها غير إلى فدات ليا كل دمعة ذرفتها عليها
بقنطار الفضة ماغليت عليها
أما الذهب ماولفتو والطمع ماشي من عندنا باش نطلبو ليها
ماعندي غير نرضى بالقسمة أنهز كفوفي للعالي فالسما
إحد الباس أما المكتوب مامنو هروب ياناس
المكتاب مكتوب جفات لواحو أترفعات قلامو
الشرقاوي محمد