استغل عبد الإله ابن كيران، الأمين العام السابق لحزب العدالة والتنمية ورئيس الحكومة السابق، ما حدث مع جمعية "الرسالة" القريبة من البيجيدي، لمهاجمة رشيد الطالبي العلمي، وزير الشباب والرياضة وعضو المكتب السياسي لحزب التجمع الوطني للأحرار. وقال ابن كيران مهاجما العلمي: "اسمح ليا السي العلمي لي قلت ليه أنت وضيع سمح ليا أنت حقير"، مضيفا: "ما لقيتي على من تغلب على 250 دري مشاو يعومو فواد لو، الله يرحم الوالدة كانت كتقولي يلا غلبوك الرجالة فالزنقة رجع للحايرة للدار". وتابع ابن كيران، في كلمته خلال ملتقى شبيبة العدالة والتنمية في القنيطرة، اليوم الأربعاء (24 يوليوز)، موجها كلامه إلى الطالبي العلمي، " الرجال هوما موالين 125 مقعد آ مول 37، والرجال آ السي العلمي هوما اللي ردوك رئيس البرلمان واخا تبين لينا انك ما كنتش كتستحق". واسترسل المتحدث: "ما كفاكش داك الشي اللي وقع لشباط، ونهار خرجت تقول ليا الموساد وداعش، ما كفاكش البهدلة اللي وقعات ليه، وغتنوض دابا انت، واخا شباط راجع راسو، ويمكن فقدت الحكومة بسببو… نايض انت تقول لينا البيجيدي يورينا الفلوس منين كيجيبهم، طلب الوكيل العام يجي يقلب، زعما هاد الدولة المحترمة ما عرفانش عرفتيني غير أنت". وقال ابن كيران مخاطبا العلمي: "واش ما عندكش كرام ديال المصدقية ما تشحمش، ما عقلتيش نهار قلت ليا علاش ما درتينيش وزير، وفعلا هو كان مرشح، قلت ليه علاش ما خبركش مزوار راه غتكون رئيس المجلس، قال ليا ماتقولش ليا مزوار قلت ليا أنت نتيق فيك، ودرنا تجمع والإخوان ديالنا كانو حاضرين أكثر من جميع الأحزاب تقريبا باش يطلع السي العلمي لان كلمة وحدة اللي عندنا العدالة والتنمية". وأردف رئيس الحكومة السابق: "ما كنتش غنقول هاد الكلام ولكن أنت جبدتيني عنداك يصحابك العدالة والتنمية حيط قصيور، يلا الإخوان فالحكومة كيتكايسو اجتهادا راه باقي بن كيران حي".
